Mkate wa mbogamboga

-
Mahitaji
Mbogamboga za kujazia
Vitunguu vitatu vilivyokatwakatwa
Nyanya 2 zilizokatwakatwa
Hoho 1 ilikatwakatwa
kitunguu saumu kilichopondwa kijiko 1 cha mezani
Tangawizi iliyosagwa kijiko 1 cha mezani
Unga wa bizari nzima kijiko 1 cha chai
Sukari kijiko 1 cha chai
Kotmiri fungu 1
Mafuta ya kupikia kiasi
Chumvi kiasi

Kwa mkate
unga wa ngano vikombe 3 vya chai
Hamiara kijiko 1 cha chakula
Suakri kijiko 1 cha chakula
Chumvi kijiko 1 cha chai
Mafuta ya kula vijiko 2
Jibini kiasi

Namna ya kuandaa
Vya kujazia
Chukua mafuta na weka kwenye sufuria kisha ijika jikoni. Anza kwa kuweka tangawizi na kitunguu saumu. Hakikisha unakaanga kuchelea kuungua. Weka kitunguu maji na endelea kukaanga.
Sasa weka nyanya na kisha funika, ili kuruhusu nyanya hizo kuiva kwa mvuke taratibu.
Katia hoho na baadaye unga wa binzari nzima, chumvi na pilipili kama utapendelea.

Kwa mkate
chukua kikombe cha chai. Weka maji nusu na kisha weka hamira chumvi na sukari.
Acha viumuke vyenyewe kwanza ili kurahisisha uumukaji wa unga wako. Baada ya hapo chukua bakuli yenye nafasi. Weka unga wako na kisha nyunyizia mafuta ya kupikia. Changanya vizuri na baadaye weka mchangayiko wako wa hamira.
Changanya na endelea kuweka maji kidogokidogo huku ukiendelea kukanda hadi liwe donge gumu.
Baadaya ya hapo chukua donge hilo na ligawanye katika matonge mengine madogomadogo manne.
Tandaza katika kibao cha kusukumia chapati kama unavyofanya kwenye chapati. chota mchanganyiko wako na kisha weka katikati ya chapati hiyo. chukua jibini yako na kwaruza ili kupata unga wake. Weka juu ya huo mchangyiko wa mbogamboga. Kunja vizuri na kisha weka pembeni. Fanya hivyo kwa madonge yote na kisha acha kwa muda wa dakika 15 hadi 30. Utakuwa umeumuka vizuri.

Baada ya hapo weka kwenye bati la kuokea ama sufuria. Oka. Hakikisha mikate hiyo inaiva na kuwa na rangi ya hudhurungi.
Mkate wako uko tayari kwa kuliwa. Katika kipindi hiki cha mwezi wa ramadhani unaweza ukatumia kama daku ama futari.

Comments

Post a Comment

Popular posts from this blog

Upishi wa tembele la chukuchuku

-
Image
Mahitaji  Matembele mafungu 2 Nyanya 2 kubwa Kitunguu 1 Chumvi kiasi Mafuta kijiko 1 Ndimu 1 Namna ya kutengeneza Chukua matembele , yachambue na kisha yaoshe. Weka kwenye sufuria ya kupikia. Kata kata nyanya, kitunguu na weka juu yake. Kisha weka chumvi na mafuta na injika jikoni. Weka moto wa kiasi na acha viive kwa muda wa dakika tano. Funua na geuza, vitu vyote vitakuwa vimeiva. Kamulia ndimu na kisha ipua. Matembele yako yatakuwa tayari kwa kuliwa. Waweza kula na ugali ama chakula kingine utakachopendelea.
Read more

Tambi za nyanya

-
Image
Mahitaji Majani ya kotmil kiasi Nyanya ya kopo ½ kikombe cha chai Chumci kiasi Unga wa pilipili manga Jibini iliyokerezwa kiasi ikiwa unapendelea. Namna ya kutengeneza Chukua nyanya zako na kisha weka kwenye sufuria ya maji. Injika jiko acha hadi maji yachemke. Ipua na mimina maji pembeni na kisha chukua nyanya zako na weka kwenye bakuli nyingine yenye maji ya baridi. Menya maganda yake na kisha katakata katika vipande vidogo vidogo. Kwenye sufuria nyingine chukua maji na kisha yaweke chumvi na kisha injika jikoni. Acha yachemke na kisha weka tambi zako. Acha hadi ziive. Baada ya kuiva ipua na chuja maji yote. Chukua sufuria nyingine na injika jikoni. Chukua mafuta na weka katika sufuria na kisha weka kitunguu saumu. Kaanga hadi kiive. Na baadaye weka nyanya ya maji. Baadaye weka unga wa pilipili manga na baadaye chumvi kiasi. Kisha weka majani ya kotmil. Punguza moto na kisha weka tambi zako na geuza geuza hadi vichanganyike kabisa. Ipua na acha wazi kwa muda wa dakika kumi.
Read more

Tambi za dengu

-
Image
Mahitaji Unga wa dengu ½ kilo Unga wa pilipili binzari nyembamba ½ kijiko cha mezani Unga wa pilipili manga kijiko 1 cha chai Unga wa mchele ¼ kilo Chumvi kiasi Mafuta ya alizeti ½ lita Baking powder Namna ya kutengeneza Changanya unga wa mchele pamoja na ule wa dengu. Kisha chukua nyunyuzia baking powder na baadaye chumvi. Weka unga wa binzari nyembamba na pilipili manga. Changaya vizuri na kisha weka maji kidogo kidogo huku ukukanda hadi liwe donge gumu kama unavyofanya kwenye maandazi. Baada ya hapo weka donge lako pembeni na funika. Acha likae kwa muda wa nusu saa hadi saa moja. Baada ya hapo chukua karai la mafuta weka jikoni acha hadi mafuta yapate moto kabisa. Kisha chukua mashine ya kupikia tambi na weka donge lako. Kandamiza taratibu huku ukiruhusu minyororo ya tambi kuingia kwenye mafuta yaliyo jikoni. Weka kiasi kiasi huku ukikaanga. Acha mpaka zitakapokuwa zimeiva na kukauka vizuri. Ipua na weka pembeni. Weka kwenye sahani safi na kavu. Tambi zako zitakuwa tayari
Read more