Biskuti zenye krim ya ‘custard’

-

Mahitaji
Unga wa ngano 125gm
Unga wa custard 125gm
Siagi 125gm
Sukari 1/3 kikombe
Chumvi kiasi
Maziwa kikombe1 cha chai
Baking powder kijiko kimoja cha chai

Namna ya kutengeneza

Chukua siagi yako changanya na sukari na kisha saga hadi sukari ilainike kabisa. Chunga unga wa ngano pamoja na kastadi. Weka katika mchanganyiko wako. Weka chumvi na baking powder. Chukua maziwa na miminia katika mchanganyiko wako. Kanda hadi liwe donge zito.
Baada ya hapo kata madonge madogo madogo. Sukuma kama vile unataka kupika chapatti. Baada ya hapo chukua uma na chomachoma juu ya hiyo chapatti yako.
Kata kata biskuti katika umbo unalopendelea na kisha weka kwenye trey iliyopakwa siagi. Oka katika moto wa kiasi
Kwa muda wa dakika 15-20. Baada ya kuiva ziweke katika chombo kikavu zipoe.

Krim Chukua siagi vijiko 4 vikubwa na sukari iliyosagwa “icing sugar” 100 gm na kisha changanya pamoja. Baada ya hapo chukua ladha utakayo na rangi upendayo weka kwenye mchanganyiko wako. Changanya hadi ichangayike vizuri.
Baada ya hapo chukua krim yako na chota kwenye kijiko na weka kwenye biskuti moja kisha gandishia nyingine juu yake. Fanya hivyo kwa biskuti zote. Acha zigande na baada ya hapo zitakuwa tayari kwa kuliwa.

Comments

Post a Comment

Popular posts from this blog

Upishi wa tembele la chukuchuku

-
Image
Mahitaji  Matembele mafungu 2 Nyanya 2 kubwa Kitunguu 1 Chumvi kiasi Mafuta kijiko 1 Ndimu 1 Namna ya kutengeneza Chukua matembele , yachambue na kisha yaoshe. Weka kwenye sufuria ya kupikia. Kata kata nyanya, kitunguu na weka juu yake. Kisha weka chumvi na mafuta na injika jikoni. Weka moto wa kiasi na acha viive kwa muda wa dakika tano. Funua na geuza, vitu vyote vitakuwa vimeiva. Kamulia ndimu na kisha ipua. Matembele yako yatakuwa tayari kwa kuliwa. Waweza kula na ugali ama chakula kingine utakachopendelea.
Read more

Tambi za nyanya

-
Image
Mahitaji Majani ya kotmil kiasi Nyanya ya kopo ½ kikombe cha chai Chumci kiasi Unga wa pilipili manga Jibini iliyokerezwa kiasi ikiwa unapendelea. Namna ya kutengeneza Chukua nyanya zako na kisha weka kwenye sufuria ya maji. Injika jiko acha hadi maji yachemke. Ipua na mimina maji pembeni na kisha chukua nyanya zako na weka kwenye bakuli nyingine yenye maji ya baridi. Menya maganda yake na kisha katakata katika vipande vidogo vidogo. Kwenye sufuria nyingine chukua maji na kisha yaweke chumvi na kisha injika jikoni. Acha yachemke na kisha weka tambi zako. Acha hadi ziive. Baada ya kuiva ipua na chuja maji yote. Chukua sufuria nyingine na injika jikoni. Chukua mafuta na weka katika sufuria na kisha weka kitunguu saumu. Kaanga hadi kiive. Na baadaye weka nyanya ya maji. Baadaye weka unga wa pilipili manga na baadaye chumvi kiasi. Kisha weka majani ya kotmil. Punguza moto na kisha weka tambi zako na geuza geuza hadi vichanganyike kabisa. Ipua na acha wazi kwa muda wa dakika kumi.
Read more

Tambi za dengu

-
Image
Mahitaji Unga wa dengu ½ kilo Unga wa pilipili binzari nyembamba ½ kijiko cha mezani Unga wa pilipili manga kijiko 1 cha chai Unga wa mchele ¼ kilo Chumvi kiasi Mafuta ya alizeti ½ lita Baking powder Namna ya kutengeneza Changanya unga wa mchele pamoja na ule wa dengu. Kisha chukua nyunyuzia baking powder na baadaye chumvi. Weka unga wa binzari nyembamba na pilipili manga. Changaya vizuri na kisha weka maji kidogo kidogo huku ukukanda hadi liwe donge gumu kama unavyofanya kwenye maandazi. Baada ya hapo weka donge lako pembeni na funika. Acha likae kwa muda wa nusu saa hadi saa moja. Baada ya hapo chukua karai la mafuta weka jikoni acha hadi mafuta yapate moto kabisa. Kisha chukua mashine ya kupikia tambi na weka donge lako. Kandamiza taratibu huku ukiruhusu minyororo ya tambi kuingia kwenye mafuta yaliyo jikoni. Weka kiasi kiasi huku ukikaanga. Acha mpaka zitakapokuwa zimeiva na kukauka vizuri. Ipua na weka pembeni. Weka kwenye sahani safi na kavu. Tambi zako zitakuwa tayari
Read more