Nyama ya kupaka

-
1
Mahitaji
Nyama ½ kilo
Mayai 4
Chumvi kiasi
Samli kiasi
Pilipili manga kiasi
Mdaladini, iliki kiasi
Bizari nzima kiasi
Tangawizi iliyosagwa vijiko 2
Limao au ndimu kipande 1
Nyanya nzima za kuiva 4 kubwa
Kitunguuu maji
Pilipili 1 kama unapendelea
Namna ya kuandaa
Chukua nyama na ikatekate vipande vidogo vidogo na kisha ioshe vizuri. Injika jikoni na weka chumvi kiasi, tangawizi na juisi ya ndimu au limao. Changanya na kisha acha ichemke. Baada ya kukauka maji ya kwanza ongeza ya pili ili iive vizuri. Ikishaiva okoa na weka pembeni.
Chukua sufuria nyingine kavu na injika jikoni. Weka samli na kisha anza kwa kukatia katika kitunguu maji na kisha kaanga hadi kiwe cha brown. Weka pilipili manga, iliki, mdalasini na binzari nzima na endelea kukaanga.
Chukua nyanya zako na zikatekate vipande vidogo,vidogo huku ukiendelea kukoroga. Onja chumvi, ikiwa bado haijakolea vizuri, unaweza kuongeza ili iwe na ladha inayokubalika. Funika na cha viive kwa mvuke, kwa muda kama wa dakika tano hivi. Baada ya hapo funua na weka nyama juu yake huku ukiendelea kukoroga.
Zikichanganyika vizuri, pasua mayai yako na weka kwenye bakuli moja. Koroga hadi yachangnyike na kisha, mimina mayai hayo kwenye mchanganyiko wako ulioko jikoni. Koroga kwa muda dakika tatu mpaka nne hivi mchuzi wako utakuwa tayari.

Comments

Post a Comment

Popular posts from this blog

Upishi wa tembele la chukuchuku

-
Image
Mahitaji  Matembele mafungu 2 Nyanya 2 kubwa Kitunguu 1 Chumvi kiasi Mafuta kijiko 1 Ndimu 1 Namna ya kutengeneza Chukua matembele , yachambue na kisha yaoshe. Weka kwenye sufuria ya kupikia. Kata kata nyanya, kitunguu na weka juu yake. Kisha weka chumvi na mafuta na injika jikoni. Weka moto wa kiasi na acha viive kwa muda wa dakika tano. Funua na geuza, vitu vyote vitakuwa vimeiva. Kamulia ndimu na kisha ipua. Matembele yako yatakuwa tayari kwa kuliwa. Waweza kula na ugali ama chakula kingine utakachopendelea.
Read more

Tambi za nyanya

-
Image
Mahitaji Majani ya kotmil kiasi Nyanya ya kopo ½ kikombe cha chai Chumci kiasi Unga wa pilipili manga Jibini iliyokerezwa kiasi ikiwa unapendelea. Namna ya kutengeneza Chukua nyanya zako na kisha weka kwenye sufuria ya maji. Injika jiko acha hadi maji yachemke. Ipua na mimina maji pembeni na kisha chukua nyanya zako na weka kwenye bakuli nyingine yenye maji ya baridi. Menya maganda yake na kisha katakata katika vipande vidogo vidogo. Kwenye sufuria nyingine chukua maji na kisha yaweke chumvi na kisha injika jikoni. Acha yachemke na kisha weka tambi zako. Acha hadi ziive. Baada ya kuiva ipua na chuja maji yote. Chukua sufuria nyingine na injika jikoni. Chukua mafuta na weka katika sufuria na kisha weka kitunguu saumu. Kaanga hadi kiive. Na baadaye weka nyanya ya maji. Baadaye weka unga wa pilipili manga na baadaye chumvi kiasi. Kisha weka majani ya kotmil. Punguza moto na kisha weka tambi zako na geuza geuza hadi vichanganyike kabisa. Ipua na acha wazi kwa muda wa dakika kumi.
Read more

Tambi za dengu

-
Image
Mahitaji Unga wa dengu ½ kilo Unga wa pilipili binzari nyembamba ½ kijiko cha mezani Unga wa pilipili manga kijiko 1 cha chai Unga wa mchele ¼ kilo Chumvi kiasi Mafuta ya alizeti ½ lita Baking powder Namna ya kutengeneza Changanya unga wa mchele pamoja na ule wa dengu. Kisha chukua nyunyuzia baking powder na baadaye chumvi. Weka unga wa binzari nyembamba na pilipili manga. Changaya vizuri na kisha weka maji kidogo kidogo huku ukukanda hadi liwe donge gumu kama unavyofanya kwenye maandazi. Baada ya hapo weka donge lako pembeni na funika. Acha likae kwa muda wa nusu saa hadi saa moja. Baada ya hapo chukua karai la mafuta weka jikoni acha hadi mafuta yapate moto kabisa. Kisha chukua mashine ya kupikia tambi na weka donge lako. Kandamiza taratibu huku ukiruhusu minyororo ya tambi kuingia kwenye mafuta yaliyo jikoni. Weka kiasi kiasi huku ukikaanga. Acha mpaka zitakapokuwa zimeiva na kukauka vizuri. Ipua na weka pembeni. Weka kwenye sahani safi na kavu. Tambi zako zitakuwa tayari
Read more