Chatini ya karoti ,nazi na kitunguu

-

Mahitaji
Kitunguu kimoja kikubwa
Karoti moja kubwa
Nazi iliyokunwa nusu kikombe
Pilipili mbuzi moja au mbili
Kotmil fungu moja
Rojo ya ukwaji nusu kikombe cha chai
Chumvi kiasi

Namna ya kutengeneza
Kabla ya kuanza utengenezaji wakom hakikisha mbogamboga zako zinaoshwa kwa maji ya moto ili kuziweka katika hali ya usalama zaidi kiafya.
Baada ya hapo, chukua karoti na vitunguu maji, katakata katika vipande vidogovidogo, kisha weka kwenye bakuli, chukua viungo vingine vyote changanya kwenye mchangayiko huo.
Baada ya hapo weka kwenye mashine ya kusagia matunda, weka maji kiasi ili kurahisisha usagaji wake. Saga hadi vilainike kabisa na kuwa uji mzito, ondoa kwenye mashine na mimina kwenye bakuli tayari kwa kuliwa.

Kama nilivyokueleza hapo juu, kuwa unaweza kula na chakula chochote unachopendelea kulingana na mahitaji yako.

Ikiwa utapendelea kuwapa watoto, unashauriwa kutoweka pilipili wakati wa maandalizi yake.

Chatini ya nazi mara nyingi hupendeza sana ikiwa italiwa ‘fresh’. Hivyo unashauriwa kutengeneza kiasi cha matumizi yako, ili kuepuka kuilaza, kwani ikiwa italala na ikaliwa, mlaji hatapata ladha yake halisi.

Comments

Post a Comment

Popular posts from this blog

Upishi wa tembele la chukuchuku

-
Image
Mahitaji  Matembele mafungu 2 Nyanya 2 kubwa Kitunguu 1 Chumvi kiasi Mafuta kijiko 1 Ndimu 1 Namna ya kutengeneza Chukua matembele , yachambue na kisha yaoshe. Weka kwenye sufuria ya kupikia. Kata kata nyanya, kitunguu na weka juu yake. Kisha weka chumvi na mafuta na injika jikoni. Weka moto wa kiasi na acha viive kwa muda wa dakika tano. Funua na geuza, vitu vyote vitakuwa vimeiva. Kamulia ndimu na kisha ipua. Matembele yako yatakuwa tayari kwa kuliwa. Waweza kula na ugali ama chakula kingine utakachopendelea.
Read more

Tambi za nyanya

-
Image
Mahitaji Majani ya kotmil kiasi Nyanya ya kopo ½ kikombe cha chai Chumci kiasi Unga wa pilipili manga Jibini iliyokerezwa kiasi ikiwa unapendelea. Namna ya kutengeneza Chukua nyanya zako na kisha weka kwenye sufuria ya maji. Injika jiko acha hadi maji yachemke. Ipua na mimina maji pembeni na kisha chukua nyanya zako na weka kwenye bakuli nyingine yenye maji ya baridi. Menya maganda yake na kisha katakata katika vipande vidogo vidogo. Kwenye sufuria nyingine chukua maji na kisha yaweke chumvi na kisha injika jikoni. Acha yachemke na kisha weka tambi zako. Acha hadi ziive. Baada ya kuiva ipua na chuja maji yote. Chukua sufuria nyingine na injika jikoni. Chukua mafuta na weka katika sufuria na kisha weka kitunguu saumu. Kaanga hadi kiive. Na baadaye weka nyanya ya maji. Baadaye weka unga wa pilipili manga na baadaye chumvi kiasi. Kisha weka majani ya kotmil. Punguza moto na kisha weka tambi zako na geuza geuza hadi vichanganyike kabisa. Ipua na acha wazi kwa muda wa dakika kumi.
Read more

Tambi za dengu

-
Image
Mahitaji Unga wa dengu ½ kilo Unga wa pilipili binzari nyembamba ½ kijiko cha mezani Unga wa pilipili manga kijiko 1 cha chai Unga wa mchele ¼ kilo Chumvi kiasi Mafuta ya alizeti ½ lita Baking powder Namna ya kutengeneza Changanya unga wa mchele pamoja na ule wa dengu. Kisha chukua nyunyuzia baking powder na baadaye chumvi. Weka unga wa binzari nyembamba na pilipili manga. Changaya vizuri na kisha weka maji kidogo kidogo huku ukukanda hadi liwe donge gumu kama unavyofanya kwenye maandazi. Baada ya hapo weka donge lako pembeni na funika. Acha likae kwa muda wa nusu saa hadi saa moja. Baada ya hapo chukua karai la mafuta weka jikoni acha hadi mafuta yapate moto kabisa. Kisha chukua mashine ya kupikia tambi na weka donge lako. Kandamiza taratibu huku ukiruhusu minyororo ya tambi kuingia kwenye mafuta yaliyo jikoni. Weka kiasi kiasi huku ukikaanga. Acha mpaka zitakapokuwa zimeiva na kukauka vizuri. Ipua na weka pembeni. Weka kwenye sahani safi na kavu. Tambi zako zitakuwa tayari
Read more