Wali wa rangi tatu

-
Mahitaji
Kwa wali wa njano
Mchele wa basmati kikombe 1 cha chai
Mafuta ya kupikia kijiko1 ½
Nyanya 2 zilizomenywa na kukatwakatwa
Karoti 3 zilizochemshwa na kuiva
Unga wa binzari 1/4 kijiko
Chumvi kiasi
Kwa wali wa mweupe
Mchele wa basmati kikombe 1 cha chai
Mafuta ya kupikia kijiko1 ½
Tui la nazi kikombe 1
Unga wa hiliki Kijiko 11/2 chachai
Kwa wali wa kijani
Mchele wa basmati kikombe 1 cha chai
Mafuta ya kupikia kijiko 1 ½
Chumvi kiasi
Vitunguu maji 2
Kitunguu saumu kilichopondwa 1
Tangawizi iliyopondwa 1
Nazi iliyosagwa vijiko 2
Majani 8 hadi 10 ya mnanaa
Majani ya giligilani kikombe kimoja
Pilipili manga kijiko 1
Garam masala kijiko 1 cha chai
Namna ya kuandaa
Unatakiwa kupika wali walo katika sufuria tatu tofauti. Kwa wali mweupe unatakiwa kupika kama ilivyozoeleka huku ukiongeza hiliki kama kiungo chako.
Unachotakiwa kufanya ni kuosha mchele wako. Kisha injika tui jikoni weka chumvi na baadaye hiliki. Hakikisha maji uliyoinjika yana uwezo wa kuivisha wali wako. Baada ya kuiva palia na weka pembeni.
Kwa wali wa rangi ya machungwa
Anza kwa kupika wali wa mafuta. Kwa kuosha mchele na kuuchemsha kwa kiwango cha maji ya kutosha kuivisha. Hakikisha unaweka chumvi ili kuufanya wali wako kuwa na ladha.
Chukua karoti na nyanya saga pamoja. Kisha kaanga binzari na changanya na mchanganyiko wa nyanya na karoti. Chukua wali wako uliokwishawiva na changanya katika mchanganyiko wako huo. Wali wote utakuwa wa rangi ya chungwa.
Kwa wali wa kijani , anza kwa kupika wali wenyewe kama nilivyoelekeza hapo juu.Kisha chukua kitunguu maji, saumu, tangawizi nazi , majani ya mnanaa,majani ya giligilani,hoho, pilipili manga na kisha saga kwenye machine ya kusagia.
Chukua mafuta ya kupikia weka jikoni, na kaanga garam masala na baadaye weka mchangayiko wako wa kijani kwenye sufuria hiyo iliyoko jikoni. Endelea kukaanga hadi viive kabisa. Ipua na changanya na wali wako. Utapata wali wa kijani.
Baada ya hapo pakua. Na weka kwenye bakuli lenye muundo unaopendelea. Anza kwa kuweka rangi yeyote kati ya hizo ulizopika. Panga vizuri kwa kufuata mpangilio maalum unaweza kuanza na rangi ya machungwa, nyeupe na kijani ikaja mwisho au kinyume chake.
Pamba wali wako kwa kuweka jani dogo la giligilani na kipande cha karoti.
Chakula choko kipo tayari kwa kuliwa

Comments

Post a Comment

Popular posts from this blog

Upishi wa tembele la chukuchuku

-
Image
Mahitaji  Matembele mafungu 2 Nyanya 2 kubwa Kitunguu 1 Chumvi kiasi Mafuta kijiko 1 Ndimu 1 Namna ya kutengeneza Chukua matembele , yachambue na kisha yaoshe. Weka kwenye sufuria ya kupikia. Kata kata nyanya, kitunguu na weka juu yake. Kisha weka chumvi na mafuta na injika jikoni. Weka moto wa kiasi na acha viive kwa muda wa dakika tano. Funua na geuza, vitu vyote vitakuwa vimeiva. Kamulia ndimu na kisha ipua. Matembele yako yatakuwa tayari kwa kuliwa. Waweza kula na ugali ama chakula kingine utakachopendelea.
Read more

Tambi za nyanya

-
Image
Mahitaji Majani ya kotmil kiasi Nyanya ya kopo ½ kikombe cha chai Chumci kiasi Unga wa pilipili manga Jibini iliyokerezwa kiasi ikiwa unapendelea. Namna ya kutengeneza Chukua nyanya zako na kisha weka kwenye sufuria ya maji. Injika jiko acha hadi maji yachemke. Ipua na mimina maji pembeni na kisha chukua nyanya zako na weka kwenye bakuli nyingine yenye maji ya baridi. Menya maganda yake na kisha katakata katika vipande vidogo vidogo. Kwenye sufuria nyingine chukua maji na kisha yaweke chumvi na kisha injika jikoni. Acha yachemke na kisha weka tambi zako. Acha hadi ziive. Baada ya kuiva ipua na chuja maji yote. Chukua sufuria nyingine na injika jikoni. Chukua mafuta na weka katika sufuria na kisha weka kitunguu saumu. Kaanga hadi kiive. Na baadaye weka nyanya ya maji. Baadaye weka unga wa pilipili manga na baadaye chumvi kiasi. Kisha weka majani ya kotmil. Punguza moto na kisha weka tambi zako na geuza geuza hadi vichanganyike kabisa. Ipua na acha wazi kwa muda wa dakika kumi.
Read more

Tambi za dengu

-
Image
Mahitaji Unga wa dengu ½ kilo Unga wa pilipili binzari nyembamba ½ kijiko cha mezani Unga wa pilipili manga kijiko 1 cha chai Unga wa mchele ¼ kilo Chumvi kiasi Mafuta ya alizeti ½ lita Baking powder Namna ya kutengeneza Changanya unga wa mchele pamoja na ule wa dengu. Kisha chukua nyunyuzia baking powder na baadaye chumvi. Weka unga wa binzari nyembamba na pilipili manga. Changaya vizuri na kisha weka maji kidogo kidogo huku ukukanda hadi liwe donge gumu kama unavyofanya kwenye maandazi. Baada ya hapo weka donge lako pembeni na funika. Acha likae kwa muda wa nusu saa hadi saa moja. Baada ya hapo chukua karai la mafuta weka jikoni acha hadi mafuta yapate moto kabisa. Kisha chukua mashine ya kupikia tambi na weka donge lako. Kandamiza taratibu huku ukiruhusu minyororo ya tambi kuingia kwenye mafuta yaliyo jikoni. Weka kiasi kiasi huku ukikaanga. Acha mpaka zitakapokuwa zimeiva na kukauka vizuri. Ipua na weka pembeni. Weka kwenye sahani safi na kavu. Tambi zako zitakuwa tayari
Read more